No' parravi tu a palori,
ma cu du' occhj tradituri,
chi i varcuni su' du cori
quandu parranu d'amuri.

Occhj nighiri, 'i villutu,
chi scavavanu nto fundu:
jeu restavi nzallunutu,
no parivi tu 'i stu mundu.

E chii labbra ancora agresti
chi mi ficiru provari
quandu 'u primu vasu desti!

Labbra e occhj 'ncantaturi...
no' ssi ponnu mai scordari,
no' ssi scorda 'u primu amuri...

Mancu 'u dici: "Cristu, ajutu!"
e acchjappò 'nu cristareu
a 'nu passaru: avia jutu
chiu 'u si meti 'u graniceu.
"Jeu su' patri di fammiggja"
- ciangìu aceu - chi mi vo' fari?
Ca di mia unu chi pigghja?
Quattru pinni? 'Assami stari".
Rispundiu chiu malandrinu:
"Aju fammigghja puru e panza,
ma no sugnu 'nu Cainu.
Va', a cu' è 'nu povireu
damuncilla 'na speranza,
ca no ssu' 'u guvernu jeu!"

Nci avea dittu a Cuncettea:
"Tuttu quantu vogghju 'u sacciu:
Nci fu 'n'autru prima 'i mea?"
Ija mi dissi s'era pacciu;
diventò 'na paparina;
era (subba a San Lioluca!)
comu a Santa Catarina:
'na curina di lattuca!
'Ndi spusammu e vitti viatu
ca ncun'autru nt''a tiana
'u panuzzu avia ammogghjatu...
Jeu cacciai fora 'a barbitta,
tirai lentu 'u calanchiana:
quattru corpa e 'a fici pitta!

Lunedì di Pasca, nui
già partìamu a matinati
(dicia 'a mamma: "Attenti vui,
ninni, nommu addimurati!")
-Jeamu a murra nt'a Marina
p'a scialata. Pi mangiari
tarallei, ova, tunnina,
frisi, alivi e campanari.
Ncelu ncuna lindinea,
ntornu hjuri 'i primavera:
era 'a Pasca Galilea.
E tornavamu...Quant'anni
già passaru? 'A cosa vera
è ca simu catananni!

'America partisti...

'America partisti alla vintura
e mo' seppi c'hai figghi e cambarera:
A cu' aspettavi pi trent'anni, allura?
Non avea ogghju ed appicciai 'alumera!

L'acqua e 'a rota

E l'acqua passa e no' torna 'o mulinu.
Ma tu tornasti 'i mia cchiù di 'na vota
Venivi 'a sira e sparivi 'o matinu:
picchì tu eri l'acqua e jeu 'a rota.

I sirati 'i 'na vota

I sirati di 'mbernu!
Tempi di vavalaci,
di patannostru eternu,
di requiescantinpaci.
Davanti a 'nu biccheri
chi va sgramandu 'u nannu?
Faraguli d'ajeri
e fattarei d'aguannu.
E mo' cu' sbatti i porti?
Lupareu 'mu 'nci pigghja!
U ventu, 'u spirdu, 'a morti?
Tremandu 'ntornu 'a rota
s'appatuma 'a famigghja:
i sirati 'i 'na vota...

'Nu paisi

'Nu paisi, chi ti dicu?
Senza nuja tingitura.
Duvi ognunu è 'u megghjuamicu,
di chi abbrisci a quandu scura.
Duvi i cresii e i cummenti
ànnu mura scorciulati
ed i lindini tu senti
e i campani a vispirati.
Duvi 'a genti canta e arridi
comu sulu Ddeu cumanda.
Chi ti sciali pimmu 'a vidi.
E' 'u paisi chi dassai,
chi sparìu di ncuna vanda,
e chi, forzi, m'inzonnai...

Paisuzzu meu luntanu

Paisuzzu meu luntanu,
Mpendutu subb'o mari:
Ti penzu e chjanu chjanu,
Tu avanti mi cumpari...

E viu 'a pischerea,
'U furnu du zzu Ncheu,
'U corzu, 'a chjazzicea,
A Peppi 'u pacciareu.

E 'a notti chii lampari,
Ninni comu buttuni,
Vampugghj ammenzu mari...

Paisuzzu meu luntanu.
Chi fazzu jeu, 'u landuni
Nta sta cagg(h)ja 'i Milanu?
 

'A malatia mea

-Doppu tuttu, 'i chi ti lagni?
Picchì sempri ài l'occhi moi?
Ai 'u panuzzu 'mu t'u vagni?
Cca tu ài tuttu chiu chi vòi.

-Chi mi manca è 'a chjazza, 'u vicu,
è chiu suli, 'u celu, 'u mari,
è 'a parola di 'n'amicu:
tuttu chiu ch'eppi 'i dassari.

-Mancu fussi tuttu oru!
Non è oru chiu chi luci!
Cca tu campi...- E jeu cca moru.

-Dimmi, 'i quali malatia:
cu' ti chiama 'u porti 'a cruci?
-'Ncunu 'a chiama "nustalgia".

'U Sinteri

'U sinteri è strittu, jamu
caminandu a unu a unu,
ogni tantu ndi votamu,
ogni tantu manca ncunu.

Nui facimu comu 'a sciocca
quandu cunta i puricini:
no' si sapi mai a cu' tocca,
pari sempri 'e cchjù vicini.

E all'iniziu eramu tanti,
'na fuliata 'i figghjazzuni...
'e mo' nveci! Jamu avanti,
chjanu, e guai a cu' si stanca
ca finisci nto vajuni!
Ndi votamu: ncunu manca...

Malincunia pi chiu chi no' fici

Passa 'u tempu e arretu guardu,
pensu 'e cosi chi no' fici.
Vali a pena? E' troppu tardu
e volaru ormai i pernici...
Quantu cosi chi dassài!
Pozzu diri: "su' cuntentu,
'ncuna cosa 'a cumbinai..."
Dicerrea chiju chi no' sentu.
E fu 'nzomma chiu chi fu,
a chi servi 'u 'nd'amariamu?
No' si torna arretu cchjù.
Mo' pigghjamu 'a vertulea,
assettamundi e aspettamu:
n'addimura 'a 'CUMMAREA".

'A nanna e 'u niputeu

Era ninnu e chistu è 'u fattu:
jeu videa gaju e gaina
subba e sutta, e gatta e gattu...
Volea 'u sacciu, capparina!
Ed 'a nanna, cu pacienza:
"Chissi jocanu, i nimali..."
"Si struppianu?" - "Vì chi penza!
no', ca no' ssi fannu mali".
"Fannu l'omini accussì?
Ia arridea nzinu 'o mbuìcu:
"Figghju, crisci: ninnu sì!"
Senti ancora chi ti dicu..."
"Nanna, e fammi 'u crisciu prestu!"
"Figghju, aspetta...ca nc'è 'u restu!"

'U figghju lauriatu

Cu 'stu figghju, caru Cola,
'nt'a famigghja 'nc'è 'na guerra;
ia chi dici "A' 'u vaci 'a scola",
jeu cchi dicu "A' 'u zappa 'a terra".
Picchì 'a scola avi 'mu vaci
cu' à 'mu sapi ca si 'mbizza
dui chhjù dui quantu à 'mu faci,
no' cu' è ciucciu cu 'a capizza.
Picchì figghjuma è 'nu ciucciu,
ma cu 'mbastu e finimenti:
a chi servi pimmu ammucciu?
Ia è 'nu diavulu 'mpilatu:
"No' capisci 'u restu 'i nenti:
ciucciu sì, ma lauriatu".
 

Carnalavari 'o paisi meu

"Uuuuuu, carnalavari!..."
Fannu a cucca, e dinnu "Uu..."
Accussì, pi chjecchjariari
(o mo' st'usu no nc'è cchjù?).
Eccu, a st'ura, ammenz''e strati
nesci a gentarea cuntenta:
"Arrivaru i mascherati!
nc'è a favuzza, nc'è a sumenta!"
Ca stratantu si vandea
a sumenta ed a favuzza,
poi è mbriaca ogni vinea!
Jeu mu 'nzonnu a stu paisi!
Cca su' dintra a na cucuzza:
nenti vitti, nenti 'ntisi...

'U Camìu

'U camìu era 'u cameli
chi servea 'e Saracini
'mu ricogghj i sordi e 'u feli
chi l'antichi eranu chini.
Quandu 'nfatti i Trupiani
i cacciaru doppu anni,
pi calìu di chìi pagani
'u camiu abballaru 'i canni.
Chista è 'a festa d'i tri cruci:
poi nc'è a varca e 'na palumba
chi l'appiccia ammenz''e vuci...
Doppu 'abballu d'u camiu
nci su' i fochi, spara 'a bumba
e tu resti comu a chiu...

'A fera d'a Nunziata a Trupea

Era 'a fera d'a Nunziata
pi nui megghju d'a Befana,
ca era già bella e 'ncignata
chi mancava 'na simana.

Jà portavanu i massari
gnerri, zimbaruni e goi,
bumbulicchj i bumbulari,
nzomma, ognunu l'arti soi.

E 'u pirrocciulu 'o figghjolu
no' mancava e 'u friscarottu,
l'elichea e u' mastazzolu.

Chi vrigogna cu no' nc'era
'mu si senti diri 'i bottu:
"Vi perdistivu 'na fera..."!

'Nfrabbica

Jeu mi isu anzemi 'o gaju
E mi partu a matinati
Ca nta frabbica à mu vaju;
Tornu a casa a vispirati,
Ottu uri senza posa,
'U lavuru di 'nu pacciu;
Fazzu sempri 'a stessa cosa
e a chi servi mancu 'u sacciu!
Cca no nc'è 'stati e no' mbernu.
Mi scordai u suli e u mari;
E' 'nu scuratoriu eternu,
Cca m'abbrisci e cca mi scura.
Nui nescimmu pi penari;
Smalidittu 'u jornu e l'ura!