U QUATRU DA MADONNA

Vui, figghiolei d'aguannu,
no va potiti arricordari
com'era u quatru da Madonna a Rumanea!
Era tutta ….no' nughira,
ma na bea mora cu du occhiuni
comu u carvuni
chi parea ca ti guardavanu
d'avund'eri eri,  i tutti i puntuna.
Era bea daveru!
Quandu a portavanu 'n pricissioni,
arretu i Santa Dumunica tutta d'argentu
e chi liuni e pedi,
Ia era china china d'oru e ca curuna 'n testa
chi parea na Riggina,
ma era semp’ a Mamma nostra.
Mo, doppu ca portaru ma restaurannu,
'nda mandaru arretu ianca ianca.
Dicinu ca pari cchiù una i nui !
Ma, dicimu a verità,
doppu ca vitti accussì,
non mi veni cchiù ma chiamu a
Nighirea Mea.
 

U CORSU NT’ASTATI

'Nto corsu na chiumara i genti!
No' ssi poti caminari.
Si sapi, 'nt’a stati è cusì,
ma a mea, dicimu a verità,
no mi piaci i nenti.
A sira, m'assettu o cafè,
chiu vicinu e Tri Funtani,
sutta a cresia i Santa Catarina,
assemi a mugghierima e e figghiolei 
u mi pigghiu u gilatu:
Pistacchiu, fragula, ciucculata o limuni.
No fa nenti !
Abbasta u staiu jà
c'amici mei e parramu, 
parramu e pittuliamu 
e tutta chia genti strana n' esisti cchiù.
'Nci simu sulu nui chi tornamu,
nte ricordi, ognidunu figghiolei!
 

DA VILLETTA I LIANU

Da Villetta i Lianu,
quandu t'affacci e vidi
u mari trasparenti,
l'occhi toi no' si stancherreanu mai
u si inchinu i tanta bellizza.
Poi i  jizi nu morzareu 
e vidi pittatu 'nto celu,
di nu culuri viola quasi sfumatu,
U Strombuli, ca nuvulea 
chi 'nci faci i cappeu.
E u suli, chi sindi scindi
chianu chianu 'nto mari, 
faci cangiari tutti i culuri,
i l’acqua, du celu di nuvuli, 
da muntagnea i l'Isula
e puru chiu i l'occhi toi
chi stannu jà, fermi e 'ncantati
e restanu stasiati.
 

U VANDIATURI

Na vota , 'nte viculei e 'nte strati i Trupea,
passava, a matina prestu, Custantinu,
chi vandiava tuttu chiu chi 'ncera a piscarea.
E s'avantava u pisci friscu
chiu i Padula, i Patea, du Piscimpuppa 
e quantu cchiù 'ndi vandiava
tantu cchiù 'ndavea.
Aguannu Custantinu non c'è cchju’; 
Povireu, moriu!
E a trumba chi sonava o a campanea,
na senti nuju! 
Sentiti u rumuri da l’apa e
i 'ncunu vindituri chi nno vaci a piscarea,
s'accuntenta u vandea iu stessu 
chi quattru alici cungelati
chi ss'accattò a matina prestu 
o portu i Vibu di piscarecci
e chi, si voli u si guadagna quattru sordi,
avi i vandiari e di vindiri jà pi gghjà, 
sinnò chi quattru pisci su boni mi jetta.
 

QUANDU TORNU

Amaramea ch'è bellu!
Quandu, na vota l'annu,
sbucu da curva i Zzambroni
e avanti all'occhi si para
a sagoma i Trupea !
Pari ca 'nc'è 'ncuna cosa
chi mi stringi a gula,
quasi quasi mi veninu i gralimi
videndu, i prim'acchittu,
i scogghi da Pizzuta.
Pari ca tutta a fatica
di  'na notti sana sana,
assettatu subba a machina, 
i nu cofanu di strata subba e spai,
scumpari  a ntrasatta
e chii novi o deci minuti 
chi restanu m'arrivu su longhi 
quantu e all’uri chi passaru.
Ma appena posu u pedi 'nta chiazza,
pari ca no passaru trent'anni 
chi vegnu sulu a stati,
u fazzu u turista ca famigghia mea.

U PASSU  O CAVALERI

J'àssutt'o passu Cavaleri,
'nta rina ianca ianca
chi pari nu linzolu,
non c'era nuju!
Mancu 'nta stati.
Sulu i monaci du Cummentu
ieanu 'nzin'a gghjà
pimmu si fannu u vagnu
doppu a partitea o palluni.
Puru jeu!
Jà cu loru mi sentea…,
comu pozzu diri,
i natra manera.
No sacciu.
Mi sentea u megghju;
e quandu i cumpagni mei
mi diceanu  si volea
u mi fazzu monacu,
'nci rispundea a mali paroli.
No pi mea, ma no volea
u si parrava o u si faceanu chjacchjari
di chij santi cristiani 
chi mi supportavanu. 
Jeu mind'incarricava i chju chi diceanu
e u jorn'appressu 
jea sempi jà e mi facea
u vagnu e a partitea.
 

…….’MBECCHJIAI ?

'Nc'è genti chi dici ca staiu mbecchiandu
sulu picchì mi piaci u cuntu e m'arricordu
i quand'era ancora figghjoleu!
Ma, dicimundi a verità,
cu è chi ti po’ dari cchjù 
tutti chi jorna senza pinzeri, 
quandu 'nbeci u vaiu a scola,
assettatu arretu a nu vancu i lignu
e fora cu nu suli chi spaccava i petri,
no 'nci penzava du voti u mi 'ndi vaiu a mari.
Arretu a Linguata, sutt' a grutta i l'Isula
o a punt'o portu o a Razzia,
mi inchiea i polmoni
e mi godea u fjavuru du mari 
e da rina chin'e suli.
Mo, mi mbecchiai sì,
Ma sulu picchì 'ngrassai e aiu u doppiu i l'anni,
e puru 'ncunu i cchjù, 
ma intr'e mea mi sentu semp' u stessu,
m'abbasta sulu u vegnu a Trupea!

A RAPPRESENTAZIONI A MARI

Quandu u mari nostru s'ammaraggia,
cangia.
S'impatrunisci i tutt' i culuri:
jancu, virdi,giallu, blù.
No 'si capisci nenti!
I cavalluna , ca crista janca,
'nchjananu,'nchjananu e poi
si ruppinu 'nte scogghjia,
'nta rina e cogghinu tuttu 
chjiu chi veni veni.
Puru a punt'o portu
scavarca u molu e si jetta
subb'a strata.
I scogghi da Pizzuta
si vidinu a malappena 
tra na fragata e n'avutra
e a Razia pi l'acqua da fjumara
diventa giallu .
Poi, quandu cala a notti,
e u tempurali 'ncarca,
i lampi chi cadinu 'nto mari
alluminannu a ghjornu
tuttu  chjiu chi vidi,
ti fannu cungelari u sangu
assemi e trona chi rimbumbanu.
Su tutti chiusi 'nta casa,
o o circulu i Galluppi
u si fannu u cincucentu,
ma jeu, sulu, a villetta i l'Isula
mi godu tutta sta rappresentazioni
e mi jncu l'occhi du mari meu.

DA  CUPULEA

Di jàssubba Sant'Angilu
si vidi tuttu u paisi,
ma poi a genti ponnu trasiri 'nta colonia
pimmu s'affaccianu i chiju puntuni.
Ma no faci nenti, 
tantu chiu chi si vidi i jà,
si vidi puru da Cupulea!
Ti piazzi pulitu pulitu  all'impedi
e da punt'e Zambroni anzin'a Riaci
t'arrichrij cu megghju vidiri du mundu.
Sutt'o nasu Trupea e u mari soi,
cchijù fora, nu pizzu 
ricamatu n'to celu nettu 
cu chij quattru isulei luntani.
No ti veni u resti all'impedi.
Ha’mmu t'assetti e pari ca viaggi
i subba a na nuvulea 
e aspett’ u cala u suli pimmu u vidi
c'addiventa giallu, russu com'o focu
e , all'urtimu, blù, com'o scuru!

A PRICISSIONI A MARI

Staci cumunciandu a Pricisioni. 
I campani i l'Isula 'ntinnanu a festa
ch'eni nu piaciri.
A genti, sutt'o scogghju
si sta facendu assai.
'ndavi i tutti i coluri.
Turisti a tutta forza 
          chi machini  fotografichi. 
e vestuti com’a tutti i jorna
e paisani  di vintiquattru Casali,
vestuti chi custumi boni e
cu Rusariu e mani,
cantanu a Litanea i Tutti i Santi.
Chianu, chianu i statui
da Sacra Famigghja calanu 
du scogghiu 'ncoiu e marinari
chi s'incazzanu ad ogni gotata.
A varca du Nighireu, tutta parata a festa 
Aspetta o Mari Picciulu e 
u Tiolicu pari nu pacciu, scappa,
di jà e di ccà e duna ordini e cunsigghi.
E quandu tutti arrivano a varca
e i marinari posanu a Madonna 
subba o purpitu, tutti cumincianu u gridanu:
"viva Maria!" e  abbattinu i mani pi tri voti.
Jà, subba a villetta, i villeggianti,
chi no sannu da pricissioni a mari,
pari ca vonnu u ruppinu a ringhiera.
Vonnu u vidinu comu a chji
chi stannu 'nte casi, commudi a finestra
e si godinu  u ponorama.
'Nta marina, anfina o portu,
quandu passanu tutti i varchi
arretu a chija da Madonna,
è nu continuu battimani chi s'allonga 
doppu o Mari Randi, o Cummentu,
‘nzina o Passu Cavaleri e torna.
E a genti chi 'nci vaci appressu prega,
e chij chi restanu 'nta spiaggia 
si fannu u signu a Cruci e 'nto cori loru
si dicinu 'ncuna Ave Maria.
Fin' a quandu nu corpu siccu di botti
e nu sonari allongatu di campani,
t'avvertinu ca a Sacra Famiggja 
tornò a Casa soi.
E' scuru ormai, e a Cresia 
alluminata tutt’ a festa resta sula.
'Nta rina no resta ccjù nuju;
sulu i marinari c'hannu i cacciari
i paramenti chi na vota all'annu
'mbellettaru chjia varca chi poi,
pi tuttu l’annu vidi jettari u sangu. 

I TRI DA CRUCI

I varchi i carta culurata e canni
i piazzaru già:
una vicinu a funtana da Piruna,
una vicinu i Caraia
e l'atra all'Animei du Prugatoriu.
I nu varcuni a n'avutru 
chi banderi i carta 'ncun'atra varchicea.
I vindituri i mastazzola, i ciciricalia
e di sumenta, si piazzaru e lati da strata
ansemi a 'ncun'avutru  chi statuei
o 'ncunu  furisteri cu zuccaru filatu.
A calata di Forgiari si parò a festa!
Versu l'ottu i sira
chij quattru o cincu, cu zu Seva 'ntesta,
e mastru Nuzzu o cantu
cumincianu a sonata sutt'o quatru 
di Tri da Cruci,
vicinu  o viculu i Murecci,
e quandu u tamburru attacca,
a genti s'apri ammenzu a strata.
Appiccianu u Camiu!
St'annu chiu c'abballa è Carnera,
sempi u stessu, e mò i na vanda
e poi i l'avutra, faci scappari a tutti
cu focu chi nesci culuratu
di tutti i puntuna du Camiu.
Sa faci tutta, abballando, a calata 
E quandu arriva vicinu o Quatru,
abballu diventa girotondu poi, 
cu quattru o cincu botti forti ….s'astuta.
Cumincia u s'appiccia a varca ninna,
poi l'atra e all’urtimu a varca randi.
A genti cumincia u scappa 
u pigghia i megghju posti
o a Villetta i l'Isula o subb'e scali da calata
e aspetta a prima botta, chia chi cumincia
u spettaculu di fochi c'alluminannu
tuttu u mari e a marina a ghjornu.
Stannu jà muti muti cu l'occhi spalancati
fin'all'urtima terna i botti e doppu u battimani
sindi tornanu a casa e vannu u si curcanu.

A  LAMIA

Tutti i stemma pittati subba a lamia
di portuna da genti bona, 
non 'mbalinu na mattuna da casa mea.
Haiu tuttu 'nta chiju nenti 
chi mu trovu o matinu 
'nta sacca da giacchetta.
Nu morz'i pani e 'ncunu piatt’ i pasta
mu mollanu i monaci du Cummentu.
Ogni tantu ‘ncunu pisci pa sira,
mu piscu jeu!
Ca lenza e mani, mi dassu annacari 
'nto tappitu blù du mari meu e aspettu,
assemi e pinzeri mei 
fatti puru loru i nenti.
U jornu è l'aria, u suli, l'acqua 
e i strati e i viculea 
o 'ncuna porta chi si apri.
A sira, quattru mura, 
nu lettu i pagghja cu du' linzola
e na lamia nighira
m'abbrazzanu forti forti 
e mi teninu jà, ‘nzin'a quandu 
u muzzicuni da candila no 'ss'astuta
e nu muntarozzu i terra 
s’arriduci u faci a casa mea.

I  NOTTI

Jea rundiandu,’nta chiu cambaruni.
Avanti e arretu, senza posa….
Tuttu o scuru….Notti.
Nighira com’a pici.
Mi mpilu nu paru i cavuzi,
Mi mentu na cammisa janca e nesciu.
A scavuza com’ a Grabbeleu.
….faci cavuddu puru fora.
Caminu senza u sacciu avundi vaju.
Vaju avundi mi portanu i pedi!
Arrivu o Cummentu di monaci,
M’affacciu u guardu u mari e 
Chiudu l’occhj.